Жалпы білім беретін мектеп оқушыларының арасында өтетін «Дауылпаз баба- Қожаберген» атты байқауының аудандық кезеңі 2020 жылдың 4 наурызында №1 Новоишим орта мектебінде өтті. Аталған байқауға №1 Новоишим орта мектебінің 9 –сынып оқушысы Власенко Владислав «Сөз арнадым өзіңе, жырау баба...» номинациясы бойынша қатысып, жырау бабамыздың шығармашылығы, өмірі, оқырманымен арасындағы рухани байланысын суреттеп эссе жазып, аудан оқушылары арасынан І орынға ие болды. Ал «Әлеумет, аз жырымды қабыл ал...» номинациясы бойынша автор өлеңдеріне аударма жасаудан 10 –сынып оқушысы Кукежанов Ержанат бағын сынап, ІІ орынға ие болды. Енді жеңімпаздарымыз аудан намысын қорғау үшін, байқаудың облыстық кезеңіне қатысатын болады. Алдағы байқауда жүйріктерімізге сәттілік тілейміз! Жетекшісі –қазақ тілі мен әдебиеті мұғалімі Хизат Ақмарал.
Акмарал Хизат